October 18 zinglei sml 1:12 hrawng ah Hakha khua chungah kahdohnak a chuak ṭhan, tiah theih a si.
Hakha Khuachung Ah Kahdohnak A Chuak Ṭhan, Zungkip Fonh Zung Pi A Kaang
Tualchung mi pakhat nih, “Myanmar Economic Bank hrawng le zungkip fonh(စုပေါင်ရုံး) zung hrawng in meithal thawng pehtlai in a thang. Voidang hriamngan an kah caan ah a thang bal lomi hriamngan thawng zong voi thum hrawng a thang. SAC ralkap nih seh meithal pehtlai in an kah i, kuan a zuan thawng zong kan theih,” tiah a chim.
“Hakha khua chung ummi SAC ralkap le palik hi an tlawm deuh ngai cang. A ruang cu timit leiah thazaang chap ding in SAC ralkap le palik cu a kal mi an tam ngai. Zungkip fonh a hngaktu hi palik deuh an si i, a tam bik ah panga hlei an si lai lo,” tiah min langhter a duh lomi pakhat nih The Chin Post ah a chim.
Meithal thawng pehtlai in a than lioah meithat motor pahnih an kal i, meikang cu an phalh len ko nain zung chung cu a ciam dih ko. Zingka khuadei tiang mei khu cu a dai rih lo, tiah mithmutu pakhat nih The Chin Post a chim. Credit- Thechinpost
