Thawngpang Tha-SAC ralhrang anmah le mah an i kap caah 69 bak an thi.

Myaung le Yesayu a pehnak hmun ah SAC ralhrang pawl rallam sialtu pawl cu anmah ralhrang lila nih Mi35 raltuk vanlawng in a kah sual hna caah 69 an thi tiah theih a si.

Sagaing ramthen Myaung peng le Yesayu peng aa pehnak hmun i SAC ralhrang rallam sialtu pawl hna cu anmah ralhrang lila nih Mi35 raltuk vanlawng in a kah sual hna caah ralhrang 69 an thi tiah CDSOam chimphuannak nawlngeitu nih Yangon Khitthit ah a chim.

November 13 zingka ah mi sawhsawh thuam in aa gruk mi ralhrang rallam sialtu hna cu Myaung peng le Yesayu ramri pawngkam khuate pawl mei in an khangh hna hnu an kir lio ah SAC ralhrang Mi35 nih a palh hna i a kah suak hna tiah theih a si.

Ralhrang rallam sial tu pawl hna hi 100 tluk an si lai . Mi35 vanlawng in an kah sual hna hnu ah motor 30 tluk in a thimi ralhrang pawl an ruak cu an lak hna tiah theih a si. Nizan zingka ah cun i kahnak a chuak. Ralhrang pawl nih raltyk vanlawng cu bawmh an hal i a phanh ahcun mipi ralkap pawl cu an um ti lo tik ah anmah ralhrang luila cu a kah sual diam ko hna tiah CDSOM chimphuannak nawlngei tu pa nihcun a chim.

Tutan anmah tein an i kahsual nak ah hizat an thihnak a ruang cu Mi35 raltuk vanlawng nih hin voi 25 bakte bomb a thlak hna caah a si . Tutan a kah sual mi rallrang rallam sialtu pawl nih hin Myaung peng khua 7 le Yesayu khua 4 cu meikhanghnak in an hrawh dih deng hnu an kirnak lampi ah a si.