NUG Kuttang PDF Wetlet Nih Hloh An Duh Hna Caah An Tuk Mi Bo Cakei Phu Nih Kutsiam Meithal Lian In Rallokap Sakhan An Kah
Ankah mi Rallokap Sakhan: Sakai Ramṭhen, Wetlet Peng Sinmaka Sakhan. A kap tu LDF phu hi Kan hnu zarh ah NUG Kuttang PDF Wetlet nih an kah mi Bo Cakei te phu kha an si. PDF Wetlet nih a nung in tlaih an duh ko nain Bo Cakei cu azam manh. A ralbawi cheukhat cu an thlah rih hna lo. Dalaan bantukin an hrem hna / an thah hna. NUG nih an hlat lio asi. A sual mi cu Bo Cakei siseh, PDF Wetlet siseh, dantat an si tiah an thanh cang.
11 November 2022, ah Bo Cakei te nih mah tein siam mi, Kutsiam bomb le Kutsiam Meithal lian in an kah hna. Minutes 20 -25 chung an i kah. Uirual cu maw ka nu kan khamh tuah u, kan lo dih cang tiah an kiao len. An kah mi Bomb le kuan vialte Sakhan ah an tla dih. Uirual a thih zat kan theih khawh rih lo tiah Bo Cakei nih ati. Hmapu in a aihram lenmi au kan theih hna tiah a ti. Rallokap nih khua chung ah Hriam ngan an kah lengmang i mipi an kan thah lengmang caah tu bantukin kan kah hna hi asi tiah Bo Cakei nih a ti.
November 7 ah Sinmakan Sakhan um Uirual nih, Khua chung ah Hriamngan an kah caah, Nu 1 a thi, kum 2 ngakchia pa hma fak pi in a tuar tiah Bo Cakei nih a ti. NUG Kuttang lo LDFs phu 5 i fonh in an kah hna. Bo Cakei nih a hruai hna. Bo Cakei phu / Bo Pawlai Phu, Esit Phu, Nimtlau Phu le Mattaya LDF tiah (ဗိုလ်ကျားကြီးအဖွဲ့၊ ကျားသစ်နက်ပြောက်ကျားအဖွဲ့၊ ACID အဖွဲ့၊ မတ္တရာ ပြည်သူ့ကာကွယ်ရေး အဖွဲ့နှင့် လျှပ်စီးပြောက်ကျားအဖွဲ့) phu 5 fonh in Rallokap Sakhan cu an kah hna.
Fianternak: NUG sual phawtnak capar asilo. Kawlrawn PDF hi 500 dengmang an um. NUG kuttang ah 200 leng an um. Adang cu NUG kuttang lo lawng an si. Chinram lawng ah Pengtlang CDF an tam asi lo. Kawlrawn lei ah an tam deuh. Nain mah le mah aa kah mi an um tuk theng lo. CHIN MI zong mah le mah i kah ti hla usih.
CDF phukhat nih 60MM an siam ve. Timit ah an hmang le a alh khawh lo an ti.
Source: Bo Cakei Facebook. Irrawaddy Burmese Edition / Mizzima News. Credit-Joseph R. Thang
Leave a Reply