Phakanh ramri NgaungThautkone ah i kahnak a zualhma caah SAC ralhrang tamlak te an thi tiah theih a si.
Moegian le Phakanh peng karlak pehtlaih ri zawn ah a ummi Ngaungthautkone pawngkam hrawnghrang ah nihin chun hnu pakhat PM in KIA le PDF i bawmh hna nih SAC ralhrang cu an kah hna caah i kahnak a fak ngaingai tiah theih a si.
SAC ralhrang milu thazaang hi 100 leng an si lai tiah an zumh. Ralhrang pawl cu Inndaw lei in Phakanh lei a kaimi hna an si i KIA le PDF nih lam tantim ah an rak kah hna caah i kahnak cu suimilam 3 tluk a rau i ralhrang pawl cu minung 20 nak tam an thah hna lai tiah zumh a si.
“SAC ralhrang pawl nih hin nihin chun hnu ah KIA lei umnak ah milu 100 tluk in an kal hnawh hna. KIA le PDF nih an rak kah hna caah suimilam pathum tluk i kahnak a chuak.SAC ralhrang hi minung 20 nak tam an thi lai” tiah khuami pakhat nih a chim.
I kahnak cu suimilam pathum tluk a rau i SAC ralhrang lei a thimi le hliamtuar an tamtuk ruangah ralhrang tu hnu an kir than tiah theih a si. Source-Kachin News
