Yee-Belu Pasaltha Pawl an cian ko cang, Ralhrang Khah-mah-yah 586 Fakngai in an phomh hna

Yee khuapi hmunkhuar mi SAC ralhrang khahmahyah 586 cu Ye Bilu pasaltha hna nih hriamnam ngan in an kah hna caah ralhrang 4 nak tam hliamhma an pu tiah theih a si.

Mon ramkulh Yee peng chungah hmunkhuar mi SAC ralhrang hna cu nihin November 15 chun hnu 12 le cheu ah Yee Bilu pasaltha hna nih hriamnam ngan in an kah hna.

Hriamngan in an kah mi hna hi SAC ralhrang khah-mah-yah 586 an si hna. Yee-Bilu pasaltha hna nihcun hriamnam ngan le hme in hmunkhuarnak ah an kah hna caah ralhrang pa 4 nak tam hliamhma an pu tiah theih a si.

“Anmah lei thazaang a der deuh caah kah hmanh an kan kah kho lo. Kanmah lei nih hriamnam nggan le hme in kan kah hna i a tlawmbik minung 4 nak tam hlaiamhma an pu ” tiah Yee Bilu hruaitu nih a chim.

Yee hrambunh Sah-ka-sah 19 le a kuttang tatyin hna cu Rakhine ramkulh lei ah thazaang an chap hna i a tuhi anmah tatyin chung ralhrang thazaang a der ngai tiah ralhrang lei naihniam hna nih an chim.#Ayeyarwaddy_Times