SAC Ralhrang Uico Pawl Nih Raltuk Tank Pahnih in Tuzingah Khuami An Kah Hna

Thathone peng chung Winsein khuate cu SAC ralhrang nih an raltuknak Tank pahnih le motor in an luhhnawh i an kah hna tiah theih a si.

SAC ralhrang Bohmu Chitwinthu kahthahnak ruangah cenat lo in a tu bantuk in Tank he khuate an luhnak a si lai tiah KNLA bohmu pa nih a chim.

KNU humhaknak hmunhma 2 ah a um mi Winsein khuate ahcun SAC ralhrang nih an raltuknak Tank pahnih le motor he an luhhnawh hna i khuachungah an puah len ko tiah KNLA tathmu pakhat nih a chim.

Thathone peng SAC ralhrang Bohmu Chih Win Winthu telh in ralhrang cheukhat hna cu November 10 ah zingka ah khan Winsein khua mi cheukhat cu an tlaih hna i an kirnak lei ah KNLA le tangti phu hna nih an rak kah hna caah Bohmu Winsein telh in ralhrang pathum an rak kah thah hna.. Cun pakhat fakngai in hliamhma a rak tuar. Culawng si lo in an hriamnam pathum an rak chuh fawn hna.

Hi ruangah SAC ralhrang nih an i cenat lo i a tu bantuk in an ral a simi kah kho lo in khuami an kah hna hi a si. A ngaite ti ahcun ral kah lo in khuami a herhlo ah kah cu a sulam hrim an um lo tiah KNLA Tathmu pakhat nih a chim. Source-People Spring