Politics Hi Zeidah a si? A dongh tiang Rel na lungfim colh Lai

Politics,

Politics hi keimah nih “Ramuk Hruainak” tiah hun phuah chom ka duh. Kelmi a si lo. Politicalization lei kal an duh ahcun hei khel kheh khel khel khel ko hna seh.

Minung kan si ning ah (1) idea ruahnak kong ah siseh, (2) resource thilri phawtzamh tuanvo laknak kong ah siseh, (3) opportunity caantha hmunhma tha kongah siseh, buaibai hnahnawhnak a um theu ton.

Political scientist paw li tiks thiamsang hna nih politics kongah an hmuhnak, an ruahnak a phunphun in an chim cio. Atlang piin an chimmi lak ah politics nih a sawh duhmi hi phun 4 in hmuh khawh a si. Heywood nih biafunnak a tuahmi ah fiang tein hmuh rel khawh an si. Cu hna cu:

(1) Politics as the art of government (thil dawh serthiamnak)

Politics biafang cu polis in a rami asi. City-state tinak a si. Ram pakhat a thatnak caah siseh, ram chung um minung vialte caah acozah nih a tha bik in mipi caah thil dawh serthiam hruainak kha a si.

(2) Politics as public affairs (Zapi ca thathnemnak)

Pumpak caah siseh, zatlang nun le mi zapi thatnak caah riantuannak kha politics cu a si ko ee unau hna aw. Minthang Aristotle nih “man is by nature a political animal” a ti. (Private and public affairs). Mi zapi caah ngandamnak, fimcawnnak, le adangdang a tha hnemmi riantuan kha paw li tik cu a si.

(3) Politics as compromise and consensus (i hrawmnak le hnatlaknak)

Buaibainak kha biaruahnak, tonnak, khuakhantinak thawngin remhnak lam kawl riantuannak a si. Ramuk hruainak cu “art of possible” asi khomi “a nu pa ngia” riantuannak a si tiah an chim theu. Biaalnak le ruahnak funtomnak in buaibainak kha daihnak lamlei ah kalpi kha a si.

(4) Politics as power and distribution of resources (thil phawtzamhnak rian)

Minung nih siseh, a khua nih siseh, township nih siseh, State nih siseh, kan duhmi thil kha aa khat cio dih ton. Kan herh zat zong aa lo dih ton lo. Minung hna herhmi le duhmi hi donghnak a ngei ton lo. An duhmi kha thil ngeihmi nih lungdiriamnak a pe dih kho ton hna lo. A chambaumi thil kongah buainak a um lengmang. Mah ruahnak ning tein midang nih an ruah, an duh, an herh venak ve tiah theih thiamnak he zuam tuah khawhnak rian hi politics cu a si.

A cheu thiamsang hna nih Politics as conflict and cooperation a si an ti ve. Hi hi cu a cheukhat sianginn ah politics chungah a teng nge hmete a simi International Relations nih aa hmaithlakmi a si. Conflict a um ton. Cooperation nih a zulh than. Kan peh ti lai lo. Credit-Thawng Za Pum

Note- Thawng Za Pum hi Political Science in Germany ram ah Phd a kai cuahmah lio a si tiah kan theih.

Be the first to comment

Leave a Reply

Your email address will not be published.


*