Hakha Ah Hriamngan Thawng Pehtlai In A Than Hnuah Helicopter Pakhat A Phan

Chin ramkulh khualipi Hakha ah nihin November 20 ni ah hriamngan thawng pehtlai in a than hnu caan tlawmpal ah Helicopter pakhat a phan, tiah theih a si.

Hakha Ah Hriamngan Thawng Pehtlai In A Than Hnuah Helicopter Pakhat A Phan

Hakha ummi pakhat nih, “Nihin zinglei cu kahdohnak thawng kan theih mi cu a um lo nain SAC ralkap nih hriamngan voili nga hrawng an kah. Cu hnu zing sml 9:00 hrawngah SAC ralkap Helicopter pakhat Hakha a phan i, caan tlawmpal a um hnuah a kir ṭhan,” tiah The Chin Post ah a chim.

“Rungtlang SAC ralkap sakhan in hriamngan voi tam ngai an kah. An kah le cangka in vanlawng a zuangmi khu bantukin hriamngan kuan khuvai tampi a chuak. Hriamngan kuan cu Timit tlang let ah a tla i a puah thawng hi Hakha in a thang ngai,” tiah tualchung mi pakhat nih a chim.

SAC ralkap nih nihin November 20 chun zong ah hriamngan an kah i, Biakinn ah ai pumi mipi zong an lau ngaingai caah ṭhutsia rem loin an um, tiah theih a si. Credit-Thechinpost