SAC ralhrang Uico nih Chin Pa pum Tlamtling lo an kah thah i Nu pakhat an kalpi

Chin ramkulh Falam peng Tibual khua chuak pum tlamtling lo kum 56 U Hawng Cung Nung cu SAC ralhrang uico pawl nih an tlaih i an tuk velh hnu ah meithal in an kah thah tiah theih a si.

SAC ralhrang uico pawl nih Chin pa pumtlang tling lo an thah i nu pakhat an i kalpi.

SAC ralhrang le Chin ralkap fonh hna cu November 19 in Tibual khuakam ah an i kah hnu ah U Hawng Cung Nung kum 56 le Nu sei hna cu an tlau i November 22 zingka ah U Hawng Cung Nung a ruak cu ramlak kalnak lam pakhat kam ah CNDF hna nih an hmuh.

U Hawng Cung Nung a ruak a hnulei kengah fung in tuknak le a hnakruh karlak ah meithal kuan kahnak pahnih a hmuh.A tlau mi Nu Sei hi pasal a ngeih hnu a thluak tlqmtling lo in a um mi a si ve.

I kahnak a chuah hlan ah khuami pawl he ramlak lei ah a zaam mi an si ve ko nain thluak tmatling lo an si caah a thlithup in khua kir in inn ah um i riantuan hna a hmang mi an si. Source- Zalen News