Musae Ah PDF Chungtel Anmah Le Anmah Kar I Kahnak A Chuak, 6 An Nunnak A Liam



Shan ramkulh chaklei Musae peng ah November 23, zaan suimilam 11:00 hrawng ah PDF chungtel anmah le anmah kar ah i kahnak a chuah caah minung 6 an nunnak a liam tiah i kahnak ah ai telmi hna nih an chim.

Shan ram chaklei People Security And Defense Army(PSDA) le PSDA in ai thenmi hna kar ah i kahnak a cang tiah luatnak a hmutu Ko Sadan nih a chim.

“An luh ka ah kanmah hi mi leirawitu nan si tiin an kan kah, zei bia hmanh chim caan kan ngeilo, kan nih cu inn cung in kan zuang i kan zaam, minung 4 kan him, kanmah nih cun an kalning kan lungtlinlo caah kan chuak, kan chuahka ah cun minung 3 lawng kan si na in a hnu cun minung 10 leng kan si. A himmi minung 4 chung ah minung 2 nih hliamhma an tuar caah kan thlop lio hna, hi thil a cannak kong ah hin Shan ram chaklei hrambunh tlangcung hriamtlai phu cheukhat sin zong ah theihternak kan tuah” tiah Ko Sadan nih cun a chim.

PSDA in tuanvo ngeitu pakhat nih cun a chuakmi phu hna nih  PSDA hi doh ding in timhtuah an ngeih caah va tlaih ding in kal a si lio ah hi thil a can hi a si tiah a chim.

“Tlaih ding in an kalhnawh hna lio ah inn chung in an rak kah hna caah kaphnih kar i kahnak a chuak, kap hnih i kahnak ah a thimi an um i a nung in tlaihmi zong an um, thil sining tak hlaihlai cuahmah lio a si” tiah a chim.

Kaphnih i kahnak ah PSDA lei in minung 3 nih hliamhma an tuar tiah a chim chap. PSDA cu NUG he pehtlaihnak ngeilo in cawlcanghnak a tuahtu phu pakhat an si.


Post Views: 35



Source link

Be the first to comment

Leave a Reply

Your email address will not be published.


*