Goodnews – KNDF le Tangti Phu Nih Ralhrang Uivo 175 An Kah Thah Hna

KNDF le tangti phu hna nih thlathum chungah SAC ralhrang minung 175 an kah thah hna tiah theih a si.

Kaya hriamtlai mipi vengtu phu KNDF le tangti phu hna nih a liamcia thlathum chungah ralhrang cu 175 an kah thah hna i minung 83 hliamhma an tuar tiah KNDF nih cathanh an chuah.

A liamcia Septrber, October le November thlathum chungah i kahnak zahte fonh 117 a chuak. Hi thlathum chungah KNSF pasaltha hna 12 nih miphun le ramcaah nunnak an pek ve. Cu ralhrang nih hriamngan le vanawng in kahnak ruangah mi sawhsawh 16nunnak an liam i 79 nih hliamhma an pu yiah KNDF nih cathanh ah an langhter.

Culawng si lo in SAC ralhrang hriamngan ruangah Kaya ramkulh chung sianginn, buakinn le inn zapi fonh in 17 renglo an rawk tiah an langhter. Cun SAC ralhrang pawl hriamnam he voi5 renglo mipi ralkap sin ah an rak i fomh tiah an thanh.

Be the first to comment

Leave a Reply

Your email address will not be published.


*