Khuaruahhar In Am Mak Mi B-21Raider Nuclear Bomb Thlatu American Nih An Hun Chuah Cang

American Dollar Millions 700 a dihmi hnubik Nuclear bomb thlatu Jet Fighter pi cu American nih an hun fakthanh cang.

Nuclear hriamnam a phur khotu hnubik bomb thlatu Jet Fighter B-21 Raider cu American i reunvennak vunci zung nih December 2 ah a voikhatnak mipi hmuh ding in an hun chuah thanh cang tiah theih a si.

Mah Nuclear bomb thlatu phutpuai tuahnak ah Jet fighter chuahnak California um Northrop Grumman sehzung ah an chuahthanh i American I runvennak vunci pumpak a kai i biatawi chimnak zong a ngei tiah theih a si.

Tutuan an hun thanh chuah mi nuclear bomb thlatu cu kum 30 ah a voikhatnak an serchuah mi B-21 Raider cu American le a hawikom tangti ram hna pawl an humhimnak caah biatak tein tuanvo a la khotu a si lai tiah American vunci nihcun a chim.

Dollar 700 millions a dihmi B-21 Raider pi ah hin stealth technology hna Nuclear bomb le a dang hriamnam ngan a phor kho ding in an ser chih ti a si. Cun American van ralkap ah minthang B-21 le B-52 hna pahnih thiamnak fonh in an serchuah mi a si tiah American i runvennak Vunci zung nih cathanh an chuahnak ah an telh.