Phakanh Maden Yang kahdohnak ah SAC ralhrang uico pawl 50 nak tam an thi.
Kachin ramkulh Phakanh khuapi Maden Yang khuate ah ralhrang uico pawl le KIA kaphnih i kahdohnak ah ralhrang uico 50 nak tam an thi tiah khuami hna nih an chim.
December 5 in aa thawk mi Maden Yang khua ah ralhrang uico pawl minung 300 nih ral lam hmunthum ah i then in khua chung biaknak le inn hna ah hmun an khuar i Decemner 6 zanlei suimilam 4pm tluk ah KIA le PDF fonh hna nih an rak luhhnawh hna caah i kahnak a zualhma ngaingai.
Cun December 5 ah qh ralhrang nih tualchung khuami minung 18 an tlaih hna ralhmai ah an kalter hna tiah khuami pakhat nih a chim. An tlaih mi hna hi pa 4le nu 7 an si i kum 20 or 30 hrawnghrang mino pawl an i tel hna tiah theih a si.
A tu hi Madan Yang khuami pawl hna cu cheuthum chungah cheuhnig hna cu Lungkhin,Saingya le Phakanh khuami ah an i thuh hna tiah theih a si. SAC ralhrang pawl cu a thimi le hliamtuar an tamtuk ruangah hnu an i thawn ko nain zwitik caan poah ah i kahnak a chuak than kho tiah tualchung mi nih an chim.
