2023 MAH Thimnak Cuanhchung

Tulio kan ram dothlennak le ramkhel ah a lar ngaimi cu MAH nih 2023 thimnak tuah a timhmi kong le AA nih cankarlak kahdaihnak an tuahmi kong asi. Hilak ahhin MAH/SAC nih 2023 tik thimnak tuah timhmi kong ka cuanhchung mi ka hawi le kan hrawmh hna.


1• MAH/SAC nih 2023 ah thimnak a tuah taktak lai maw? Zeiruang dah thimnak tuah cu a duh? A tuahkho/ a tlamtlinh lai maw? Tuah kho sehlaw hlawhtlinnak a ngei lai maw? timi biahalnak le….
2• Hiti hin a kan kalpi lai i 1988 hnu a chuakmi 1990 thim nak bantuk in an kalpi lai i kan ram cu mahning kel a si kolai…. ti ruah ak hna aum mi hna hi…..

MAH/SAC nihhin 2023 thimnak hi a zeiti asi zongah tuah aa zuam lai. Ziahtiahcun “2021 i 2008 tang in uknak ka lak” tiah a rak aupi i Uknak a lak lio ahkhan Uknak hramhram a lakmi cu 2008 phunghram charhchan in aa ven caah 2008 phunghram nih can karlak rambuai ruangah ralkap nih uknak lak kha thla 6 long a awnh. Asinain anmah nih cu an charhchan phunghram 2008 awnhmi pinah thla 6 in voihnih an i chap i cozah phun in an i ser. Sihmanhseh law mipi/rammi le ramdang(UNO telhin) nih cohlan an silo tikah kan ram uknak tlaihkhih rihding an sikho tilo. Phundang in chim ahcun an hrampi asimi 2008 Phunghram nih a onh ti hnalo. Cucahcun 2023 ahcun thimnak tuah ngenge an hau. Cun MAH/SAC nih 2023 ah thimnak a tuahlo ahcun amah MAH khi ralkap luzik sinak tlaih camcin asi thiam lo tikah cu ralbawi luzik sinak a kaltak ahcun rampi luzik sinak kha aa hum a herh. Phundang in chim ahcun rampi Siangpahrang(President) sinak kha a lak hrimhrim a hau. Culongah an sual vialte le an fir vialte kha an i maimilh kho lai i himnak an hmuh khawh lai. Cu sinak cu a duhtuk ruangah le a tinco khawhlo caahcun pei 2021 ahcun nawlngeihnak cu a lak fam cu.


2023 thimnak hi a si khawhchung in tuah khawh aa zuam lai(hilong hi a caah lam a ummi asi fom cuteh). Cu thomnak cu ram pumpi huap in a tuah lai nain a tuahkho lailo. Kan ram 1/3(cheuthum cheukhat) ah a tuah kho hmanh maw. Asinain kan hlawh a tling, kan tuahkho tiah rampi le Vawlei pi ah a thanh lai. Cuticun cozah tling/Vawlei ramkip cohlan mi si khawhnak lam a kawl ţhan lai. Cu ahcun mah karkalak a hui mi ramkhel buu le pumpak pawl an i tel ve telai, kanmah Chin mi chung zong an i tel ve telai. Asinain a tinhmi hlawhtlinnak cu a hmu lailo. Hi thimnak ruang ahhin kan ram Union of Myanmar hmanh aa ţhencheu kho i cuhlan thisen le nunnak a luangmi nakin a tamdeuh a lua g kho.

Tutan MAH nih a tuahding thimnak hi hlan lio 1988 buai hn 1990 thomnak bantuk asi lailo i khalio bantuk in an hlawh a tling lailo. Aruang cu 1988 to 1990 lio ahcun kan ram buainak kongah Vawlei pi he pehtlaihnak a har pinah rammi mipi theihhngalhnak le pehtlaihnak a niamhtuk caah an duhpaoh in an tuahkho. Asinain atutan cu Vawlei killi ah thil a cangmi kha a tu bakah thanhdih khawh le theihdih khawh asi caah an lih chim le an hrawkhrawl chim kha an thuhnawh kho ti lailo.

Cucahcun tutan MAH nih tuah a timhmi 2023 thimnak hi a tuah cu an tuah lai nain hlawh a tling lailo. Credit- Peng Hlawnceu

Be the first to comment

Leave a Reply

Your email address will not be published.


*