SAC Ralkap 4 CDF-Zophei Sin Ah Hriamnam Tling Hen CDM An Tuah.
Chim ramkulh, Hakha khua hrambunh SAC Ralkap 266 battalion in ralkap 3 le Hakha palik sakhaan in palik pakhat cu meithal le ralkap thilri hen CDF – Zophei sin ah CDM An Tuah tiah thawng theih a si.
SAC Ralkap 266 battalion in ralkap Zin Ko That,Aung Pyun Min le Thet Ngaing nih tu kum September thla ah meithal zun 2, kut chek bom lung 3 le kuan 700 leng hen CDF – Zophei sin an i fonh.
Hakha Palik sakhaan in Palik Aung Thet zong nih G3 meithal zun khat , kuan 130 ,kuan khamnak le adang palik thilri pawl hen tu kum November 15 ah CDF – Zophei ah sin ah a fonh tiah theih asi.
CDM tuah in mipi sin ah a fonh mi SAC Ralkap battalion in ralkap 3 cu tangka sing 150 kan pek hna ii Palik Aung htet zong Tangka sing 80 kan pek. An zaapi in himnak hmuh ah kan kuat hna tiah CDF – Zophei sin in theih asi.(Crd.Zalen)
