Lion Battalion Commando le tangti phu nih Ralhrang bawi telh in ceilak an kah thah hna

Kawkareit peng chung ah hmunkhuar mi ralhrang an luhhnawh hna caah an ralbawi pawl telh in tammlak an thah hna tiah theih a si.

Kayin ramkulh Kawkareit peng chung Jungdung, Ngataing le Laingwa karlak ah hmunkhuar mi ralhrang hna cu December 16 zingka ah mipi ralkap phu fonh hna nih an luhhnawh hna i an kah hna caah ralbawi telh in tampi an thi tiah Lion Battalion Commando nih cathanh an chuah.

Mah ralhrang pawl cu Kawthulay ralkap KTL Army Byuhahmu Bo Elsewa hruaumi Lion Battalion Commando – le a dang mipi ralkap phu fonh hna nih an luhhnawh hna i an kah hna. Ralhrang ralkap pathum an lak piak khawh hna tiah theih a si.

I kahdohnak chungah ralhrang lei Bohmu pakhat, Tatye bokyi pakhat, tatta pathum le Polik nu pakhat an thah khawh hna i tampi nih hliamhma an pu tiah theih a si.

Lion Battalion Commando le tangti phu hna cu hlawhtling ngai in hnu an kir kho tthan hna hnu ah ralhrang nih cuka hmun khua pawng hrawng cu vanlawng in bomb a thlak len tiah theih a si.TachileikNewsAgency