Dr. Sui Hingz-Cabuai cung ah biaruahnak a um kho lai maw?

Atu lio a lar ngaimi.Cabuai cung ah biaruahnak a um kho lai maw? ti hi a si. Kan hnu zarh ah Reuters nih Nuuci (nug) acting President Duwa Lashi La biahalnak ah a chimmi pa 5 ah biakamnak an kan ngeih ahcun Sakasa ralkap he biaruahnak kan ngei kho lai tiah a chim.

Pakhatnak ruah ding

A chimmi pa 5 hna cu a tawinak in

  1. Mipi tlaih le thatnawn ngol colh ding
  2. Ralkap nih ramkhel politik nan kal tak lai (nan i tel ti lai lo)
  3. Ramdang bawmhnak (humanitarian aid) pawl kham lo ding
  4. 2008 phunghrampi kan hrawh lai timi biakamnak
  5. Ramdang i tel le i thlak khawh ve nak lam on ding.

A tawinak pa 5 a si. Dohthlennak a tuahmi bu pawl nih hi pa 5 ah an lung a si rih men lai lo nain aa fiang ngaimi cu ralhrang ralkap he Cabuai cung biaruahnak a si kho taktak lai maw ti zohnak a si.

Pahnihnak – ruah ding

Raldonhnak i a donhnak cu cabuai cung biaruahnak a si (theory) ning in cun. Cuti biaruah tik ah thil phunthum in a um.

  1. Mah lei nih thazaang thawng deuh (upper hand or advantage ngeih deuh) an kuttang ah.. bia i ruah ding.
  2. Anmah lei an thazaang thawng deuh (an kuttang ah)
  3. Aho lei hmanh thazaang thawng deuh lo i tlukruang lio caan. Hi bantuk aruang le dirhmun pathum ruang ah cabuai cung biaruahnak a dik a chuak kho.

Ralkap zong nih Nuci kuttang i bia i ruah ding le Nuci zong nih ralkap kuttang ah bia i ruah ding cu an duh veve lai lo caah hi theory pathumnak ning in cun an i tluk ruang pah tik ah le caan sau tuk hnu ram a rawh dih hnu tibantuk ah a cang kho.

Pathumnak ruah ding

Ralkap Sakasa nih cabuai cung biaruahnak caah biatlang a dirh ve mi hna cu (ASEAN representative sin ah an langhter mi)

  1. Sakasa cozah hrawh lo ding
  2. Cozah ah minung pawl thlen lo ding
  3. 2008 phunghrampi a hran cung ah bia i ruah ding
    ASEAN sin ah a chim ve caah NUCI he biaruah ka duh timi a langhter ve nak.

Zeidah a cang kho?

An duh mi veve a ralkah taktak ko. A kaphnih in biaruah veve kan duh ko ti an langhter veve nain an duhmi veve a ralkah. Kaphnih in biaruahnak kan on veve ko timi langhternak a si. Dohthlennak thisen chung ah never give up ti a um nain ramkhel politik a kalning in duhnak langhter sawhsawh a si ko. A kaphnih in a titer mi an lo i biaruahnak taktak cu a rauh hlan ah si khawh dawhnak lam a um lo. A cung i theory bantuk in 1. Nuci a thawng dih tik ah maw? 2. Asiloah sakasa hi a zeipaoh ah a thawng peng ah maw? 3. Ral kum sautuk caan sau tuk a rauh hnu ah maw a va cang kho te ding phun a si te hnga maw?

Hihi ruah ah a phichuak cu aa thei ko.

Credit-Dr. Sui Hingz

Be the first to comment

Leave a Reply

Your email address will not be published.


*