KA nih Phayusoe Ralhrang Tamlak te An Fimtawl Khawh Hna

Phayusoe No. 14 Tanmyit ralcawnnak humhimnak an laknak sakhan an luhhnawh hna i an kah hna tiah theih a si.

Kayin ramkulh Phyusoe khuapi No.14 Tanmyit ralcawnnak i humhimnak laknak sakhan cu KA nih an luhhnawh hna i an kah hna caah ralhrang 9 nak tam kan thah khawh hna tiah KA nih cathanh an chuah.

Markhayaw khuate special in humhimnak an laknak sakhan cu tuthla hramthawk in khan Kayin ralkap KA nih an kah hna.

SAC rlahrang lei a tlawmbik minung 9 nak tam an thi lai o tampi nih hliamhma an pu lai tiah KA lei nih cathanh an chuah.

Cuka hmun ralcawnnak in cu ralhrang pawl nih hriamngan pehzulh in an kah peng caah khuami cheukhat hliamtuar mi an um len lengah lo kal in ei ding tirawl hna an har ngai tiah KA nih an chim.

Cun tuthla 13 ah khan Phayusoe khuapi Lawbudar sangah hmunkhur ding in minung thazaang 50 tluk hralhrang rallam sialtu hna cu KA nih an rak kah ve cang hna.