ZRA le Ralhrang An I Fonh i Sezaang Khua Ah PDF Zoland၊ CDM Siyin fonh nih an kah hna

Chin ramkulh Tidim khuapi pawng ah ralhrang le ZRA uico fonh hna cu mipi ralkap PDF ZOLAND, CDM Siyin fonh hna nih an kah hna tiah theih a si.

Chin ramkulh Tidim khuapi pawng Sezang khua ah December 16 zingka suimilam 11:50 tluk ah ralhrang SAC le ZRA hna cy mipi ralkap PDF Zoland၊ CDM Siyin fonh phu hna nih an kah hna.

I kahnak suimilam 2 tluk an rau tiah theih a si. I kahnak ruangah khuami cheukhat zong an himnak hmun ah an i thuh chung hna. Sezaang khua cu Tidim le Kalaymyo kalnak lampi ah a um mi a si i Tidim khuapi in mengkhat tluk lawng a hlatbak hmun ah a um mi khua a si.

Tidim khuapi Khahlahyah 269 in SAC ralhrang 40 tluk le ZRA uico minung 10 tluk hna cu December 15 ah khan Sezaang khua sianginn ah hmun an khuar hna i zaan an riak.

PDF Zoland၊ CDM Siyin fonh hna nih an kah hna hnu ah ralhrang le uico ZRA pawl cu an thih loh le hliamtuar he hnu an i thawn i an kir than tiah theih a si.