Kawkareik ah Ralhrangble mipi ralkap i kahnak a zualhma. Ralhrang nih tanglam he vanlawng he a phomh hna tiah theih a si.
Kayin ramkulh Kawkareik peng nihin kahnak fakngai in a chuak. Nihin chunhnu ah ralhrang nih vanlawng nig a kah hna tiah khuami hna nih an chim.
KNU hruaimi mipi ralkap phufonh le ralhrang hna cu December 16 thawk in nihin tiang pehzulh in i kahnak a chuak peng. Valawng in kahnak le hriamngan in ni fatin ngawt in a kah hna. Nihin December 30 10 am tluk in i kahnak a zualhma than tiah theih a si.
“Nihin zing suimilam 10 am tluk in i kahnak an thawk. Ralhrang nih tanglam in raltuk Tank in a kah piak hna i cunglei vanlawng zong in a rak kah hna” tiah khuami pakhat nih a chim.
Nihin i kahnak ah ralhrang pawl a thimi le hliamtuar an tampi lai i mipi ralkap lei in hliamtuar zong an um ve lai tiah khuami hna nih an chim. Cun vanlawng nih ralhrang nih a rak kah hnanak ah innlo a rawkral mi zong an um len i khuami cheukhat zong a himnak hmun ah a zaam mi an tampi tiah theih a si.
Leave a Reply