Hakha KBZ Bank Manager Nu Kum 5 Thong Thlakding In Biakhiahnak An Tuahpiak

Hakha KBZ Bank Manager Nu Kum 5 Thong Thlakding In Biakhiahnak An Tuahpiak

Chin ramkulh, Hakha KBZ bank manager Daw Za Chi Nyein cu Hakha pengkomh biaceih zung nih 2022, December 30 ah kum 5 chung thong thlak ding in biakhiahnak an tuah tiah RFA nih a langhter.

Daw Za Chi Nyein thong tlaknak kong hi a dik mi a si ko, a tu hi Hakha palik sakhan thong inn ah an chiah tiah min langhter a duhlo mi Hakha khuachung ummi pakhat nih a chim.

” Kum 5 chung thong thlak ding in biakhiahnak an tuahpiak. Hakha ah thonginn taktak a umlo caah palik sakhan thong ah hren a si, Kalay ah maw an kuat te hnga kan thei a si rihlo” tiah a chim.

Daw Za Chi Nyein cu SAC dohnak bia a social media ah a langhter leng ah, phone chung ah SAC ralkap uk dohnak in lam zawhnak hmanthlak hmuh asi caah 2022, June 5 ah SAC ralkap nih an tlaih tiah tualchung mi hna nih an chim.

Cu hnu ah Daw Za Chi Nyein cu kum thum in kum 7 tiang thong thlak khawhnak upadi pohmah 52(a) leng ah kum 7 tiang thlak khawhnak upadi pohmah 505 he tazacuai a tong tiah tualchung mi nih an chim.Credit-thechinpost

Be the first to comment

Leave a Reply

Your email address will not be published.


*