Kani ah SAC ralhrang uico tirawlchanhtu tilawng pakhat cu PDF nih an lak khawh. Ralhrang uico pahnih an thah khawh hna i facang le a dang eiding pawl an lakpiak hna.
Sagaing ramthen Kani peng SAC ralhrang uico pawl tirawl chanhtu cu mipi ralkap pawl nih lampi ah an kah i facang le a dang eiding tirawl pawl an lakpiak dih khawh hna tiah theih a si.
Ralhrang pawl ei ding tirawl chanh ding ah a kalmi ralhrang tilawng chung ah hin uico minung pakul tluk an i tel lai tiah zumh a si. Lampi ah mipi ralkap hna nih an rak bawhcia i an kah hna. Cheukhat ralhrang hna cu tilawng chung in tichungah a zuang na tiin an zam dih. Tilawng chungah ralhrang ruak pahnih le facang le a dangdang pawl he tilawng cu mipi ralkap KLG PDF nih kan lak khawh tiah an thanh.
Tilawng kahnak ah hin ralhrang uico pawl hi a tlawmbik minung 20 cu an thi lai tiah zumh a si. Cuka hmun ah hin tuzing tiang i kahnak a zualhma ngaingai tiah theih a si. Tilawng an laknak ah an lakchih mi hna pawl hi facang tun 82 pe tun 10, le a dangdang tampi aa tel rih tiah theih a si.
Leave a Reply