SAC ralhrang Le Mipi Ralkap Ikahnak Ah Mipi ralkap lei 8 Nunnak a liam hoi e

Seihphyu SAC ralhrang le mipi ralkap i kahnak a chuak. Mipi ralkap PDF minung pa8 nunnak a liam tiah theih a si.

Magwe ramthen Seihphyu peng chung ah hmunhma thianhhlim ding in a kalmi Seihphyu Barmathi PDF hna le SAC ralhrang pawl cu an i kap i i kahnak ah mipi ralkap minung pa8 nunnak a liam.

January 2 zanlei suimilam 6 pm tluk ah Mipi ralkap PDF hna cu motorcycle in hmumhma thianhlimnak tuah ding in an kalnak lampi ah SAC ralhrang pawl nih an rak bawh cia chung hna caah i kahnak a chuak i mipi ralkap lei pa 8 bak nunnak a liam hi a si.

Tutan i kahnak hi Dalan nih thawngpang an rak pek cia chung hna caah a si. A bik in kan hriamnam aa dang tuk caah ralhrang lei nih duhpoah in an kan kah tiah Seihphyu Barmathi PDF chungtel pakhat nih a chim.

Tutan ralhrang he i kahnak ah a thimi hna hi kum 19 in kum 20 tluk lawngte minung an si hna. Cun kum 30 zong an i tel i minung 10 tluk cu an rak luat tiah a chim chap. A thimi hna ruak le cycle pawl cu ralhrang nih mei in an khangh dih hna.