CNA kal ka rak i thawh ve nak

CNA kal ka rak i thawh ve nak

Vawikhat cu midang caah chim tlak lem lomi kei ka caah thi dengin kai uai pi ṭungmi Nungak sinin dawtnak ca (love latter) ca bi te ka rak dong. A rak ka pek ning cu hi ti hin si, ka ca uk ai hlan mi a ka pek pah ah a chungah zei dek um khah tiah a ka chimh ta, zoh cu ka duh tuk nain sianginn chung zoh cu tiah, lawi pah ah zawk zawk in ho hmanh nih hmuh lonak lamkil kawi ah i ngaih lengmang in ka van rel.
Dear,
“Pa Hei, Pathian nih Adam cu a mah te lawng um awk a ṭhat lo caah thu hluahmah in a hngilhter i a hnakruh chungin minu Eve a um har phen ah a serpiak,.. Cu bantuk in Kei zong ka hnak ruh asimi Pa Tum sinah nu le pa lungtling te le keimah lungtling tein ka nungak par dawhnak cu pe dingin bia tiam nak kan nei cang ee. Pa Hei kan dawt tuk, kan dawt tuk ko, ka pum hi cheu awk ṭha sehlaw Pa Tum le nangmah caah hin ka cheu ko nga, asi nain Pa Tum cu nangmah kan ton hlan ka duh hmasa cemmi (first love) a rak si bang ka donghnak zong a mah sinah pek lo awk ka ṭha loh. Vawlei a dongh tiang kan philh kho bel ti lai lo nang zong nih ka philh hlah law nang le kei ton can ah kan te chin fa par tal, thing bang kan ton ter te hna lai mu…. Pa Hei kan dawt tuk, mangṭha mu… Kei cu thaizing in sianginn ka rak kai ti lai lo ee”

Ca kuat thleh le dawtmi kut zung dawh te a donghnak si fawn ka siang fawn lo. A tu le tu ka rel, a si tak ko hnga maw tiah lu domh pah in khua ka ruat. Sianginn lawi pah cu si kaw lung donh pakhat ah ka ṭhu (len nak bo Rem Thluai zawl in) timi lung donh ah khan, ka hawi le zong an rak phan ve cang, Pa Hei kal hna usih ca tiin an van ka sawm nain ka tho kho ruam loh, a zuam rua lo tiah an ka lanh taak, Nain hnu lei ra mi an um rih kha ka theih caah ka hna ngam pah, cu hna zong cu an van phan chom, Pasal thazaang thar ka van la, Inn cu lung rawk lengmang in ka phan.

Dawtmi he lennak neh zunṭhing kei lawng nih siang ruun van cul ṭhan ding ka ruah ah a thaizing sianginn kai ka tim ve ti loh. Ram le miphun caah thisen le nunnak pek le lungrawk pei pasal nih cun a phu mi si ko cu tiin CNA ah luh dingin bia khiahnak ka tuah. Zu le va, inn zuat saṭhil ar va zong dai dipdep tein an hngilh lio zanking thlapa ceu tangah keimah te lawng CNA camp lei panh cun ka thawh. Lampi ah Khua zaza ka ruat, Thingva ka van tan lio ah lung a nal takmi kai lamh sual ciam mam le ka lau tuk nakah ka ṭhang diam ko hme cu…. Apoi tuk ning hih atu tiang bak ka thing hung.

Tak ah: Ka rak zuam lo tukmi Lo kal le Sianginn kai. Cawngsing hni hring le angki raang te rak i hruk eih. Dawtmi he ca uk rak i hlan lio te le hawikawm rual he bia lung duh i ruah pah in Lo lam tlang kan rak zawh ṭi lio hna kha atu ahcun zanmang bang an lo dih cang ne mu. Credit- Rual Hei Thang

Be the first to comment

Leave a Reply

Your email address will not be published.


*