Kayin remkulh chung ah kum 2023 chungah ralhrang he i kahnak voi 300 renglo a chuak i ralhrang uico 800 nak tam an thi tiah KNDF nih cathanh an chuah.
Kayin ramkulh chungah kum 2023 ah ralhrang he i kahnak voi 341 a chuak i ralhrang uico a thimi zate in 797 an si i pasaltha mipi ralkap lei 65 nunnak a liam tiah KNDF nih cathanh an chuah.
Kum 2022 chung ah KNDF cu an dirh mi a si i tangti hriamtlai mipi ralkap phu he ralhrang biatak tein a phomh kho tu an si caah mipi thinlung a la kho tu taktak an si tiah theih a si.
Kum 2022 chungah KNDF kayin hriamtlai fonh phu he voi 341 ral an tuk ti i hi chung ah ralhrang sakhan cheukhat zong kan lak khawh tiah an langhter. Mah kah dohnak chung ah cun ralhrang uico 797 an thi i 93 nih fakngai in hliamhma an pu tiah an thanh.
I kahnak chung ah KNDF nih hriamnam hme 33 le hriamngan 7 le a dang hriamnam tampi kan chuh khawh hna tiah an langhter fawn. Cun i kahnak chungah ralhrang a nung in 11 KNDF nih kan tlaih hna i tatmah 66 chung in ralhrang pasarih mipi sin ah CDM an rak tuah an thanh chih.
Leave a Reply