Pakistan ram ah nupi pathum a ngeimi pa cu naite ah khan a fa 60 nak a hrin. Hi hnu hmailei zongah fa ngeih than ding aa ruahchan rih ko tiah theih a si.
A min ah Sardar Jan Mohammad Khim Khilji ti a si i a nih hi kum 50 a si cang. Pakistan ram khuapi pakhat a simi Quetta khuapi ah a um mi a si. Nupi pathum le a fa le he khuasa mi a sii chungkhar tamtuk an si ruangah minung tampi nih an hngalh mi a si. Cun a rauhhlan ah nupi dang a palinak ngeihchap ding in timhtuahnak a ngei cuahmah.
A palinak nupi ka ngeihthan khawh nak ding caah ka hawile pawl bawmh ka hal dih hna tiah a mah nih BBC ah a chim. A nih hi chungkhar tampi si ko nain innn pakhat ah an zate in khuasak ti a duhtu a si. Nain Pakistan ram phaisa man ngeihlo tuk ruangah chungkhar khuasaknak zong a hnuarsuan ngai cang tiah theih a si.
