Kyia Ing Seihkyi Kahdohnak Ah Khah Lah Yah 284 Caan Karlak Uktu SAC Ralbawi Min Maung Maung Hein A Thi

Kyia Ing Seihkyi Kahdohnak Ah Khah Lah Yah 284 Caan Karlak Uktu SAC Ralbawi Min Maung Maung Hein A Thi

Karen ramkulh, Kyia Ing Seikkyi(ကြာအင်းဆိပ်ကြီး) Khah Lah Yah 284 caan karlak uktu SAC ralbawi Battalion Commander, Lieutenant Colonel/Major Min Maung Maung Hein cu ralram ah a thi i a ruak cu Helicopter in an lak, tiah theih a si.

January 4 ah Khah Lah Yah 32, 284 le 283 SAC ralkap hna cu PDF ṭangṭi phu hna nih, an kulh hna i an kah hna caah Kha Lah Yah 284 Battalion Commander Min Maung Maung Hein a telh in SAC ralbawi( Officer) 20 tluk an thi. SAC ralkap officer hna ruak zong an kawl cuahmah hna, tiah theih a si.

“Lieutenant Colonel/Major Min Maung Maung Hein cu Shan ramkulh in a rak i ṭhialmi a si. Anih hi DSA 46 in sianginn a dihmi a si i caan karlak chung Khah Lay Yah 284 Battalion Commander a ṭuan liomi a si,” tiah SAC ralkap chungin theih a si.

PDF ṭangṭi phu hna nih Kyi Ing Seihkyi um SAC ralkap Battalion 3 kahdohnak ah SAC ralkap a za leng an thi tiah an chim ko nain SAC ralkap nih cun PDF le tlangcung hriamtlai a thimi an tam deuh, tiah cathanh an chuah ve. Credit- Thechinpost