Ram dangmi le Chin ralzaam tampi kan umnak Imbi sang (Kuala Lumpur) ah January 6 zaan suimilam 12 hrawng in Malaysia cozah Immigration (lahwahkah) nih thlaikhihnak an tuah (operasi an lut).
Theih khawh tawk chung ah Chin ralzaam a tlawmbik minung 500 renglo an i tel tiah theih a si cang.
Zahan zan an tlaih mi hna an zate in minung 1051 an si. Hi chungah Chin mi minung 544 an i tel tiah Malaysia thawngzamhca pakhat nih an langhter.
Mah an tlaih mi hna pawl cu Bukit Jalil thonginn ah an chiah chung hna i an biaceih hnu ah a herh ning in dantatnak pek an si te lai tiah an thanh.
Zahan zan an tlaih mi hna hi Myanmaf, Bangladesh, India,Indonesia Nepal le Pakistan minung an si hna.
Hinak in a zualhma te lai. Malaysia ram ah phungning lo in a lutmi kan tamtuk cang. Kammah Chin mi lawng kan si lo. Tamtuk laklawh Myanmar ram chung in kan lut cang. Cutik ah Malaysia rammi pawl hna kan hnawh tuk cang hna. Phungning lo UN card ngei lo tu pawl cu ralrin taktak kan hau cang.
Culawng a si rih lo. Cheukhat nih kan i ruahchan mi cu UN nih an kan lak te ko lai ti a si. Nemam kan chimh hna lai UN nih lak ding ahcun a tuhnu kum 10 -20 a rau te lai. UN zung i cheukhat official bia ka ruah hna tik ah UN nih tutan Malay chung a phan mi pawl register tuahnak ding a lam a um lo an ti. Chin mi lawng in tuah awk a tha ti lo.Myanmar ram poah ralzaam nan si hnga caah a fawi lai lo an ti.
Fimkhur kan herh ko. Malay umcia mi kan unau hna zong nih Laitlang lei nan unau au lengmang ti hna hlah uh. Oparasi rawl ah kan cang dih sual lai . Tuhnu zong ah tamdeuh in Operasi an lut thluahmah cang lai tiah zumh a si. Cun lam block zong an tuah cang lai tiah theih a si. Phungning lo UN ngei lo paal ko caah cun Malaysia ram rat le um hi tahnak lawng te a si ko cang lai hih. Zeikhom a si poah ah ralring te tu in umkal i zuam ko hna uh sih.
Leave a Reply