Mindat ah SAC ralhrang pawl a tomtom in an vak i khuatlawng mino pahnih an kah hna i an tlaih hna. Pakhat cu hliamtuar tiah theih a si.
Ja uary 6 zingka tuan nawn ah ralhrang uico pawl cu minung 70-80 tluk in Mindat hrambunh Khahlahyah 274 an rak chuak i Matupi lamthluan zulh in an vak tiah Mindat khuami hna nih an chim.
“Motor panga he an si. Ralhrang milu 70-80 tluk an si lai. Hriamngan an hehcheh an kah pah. Mindat khuami minung 10 nak tam an i tel lai” tiah khuami pakhat nih a chim. Cycle in khuatlawng mino pahnih hna cu an kap hna i an tlaih hna. Pakhat cu hliamtuar. January 6 zanlei sang ah an rak thlah than hna tiah theih a si.
Cun December 5 zanleisang ah Mindat khuami SAC ralhrang pakhat Hung Ki timi pa cu Mindat-Matupi lam mengtung No.5 he aa naihnak hmun Mindat College chung ah bomb a hmanh i a mah bomb Lila cu aa lamh sual than caah a kebul tiah theih a si. Cuticun January Khahlahyah 274 lei ah an kalpi tiah theih a si. Cuhnu ah SAC ralhrang Kanplet khuami Hatam nih bomb a tangrih mi pawl a va fimtawl tiah theih a si.
