Bomb Hmanh Ding ah Kalnak Lampi Ah ralhrang nih an check timh hna i an zamnak ah an bomb puah i nu pahnih nunnak a liam

Cycle aa citmi mi nu pahnih ralhrang an kah hna i tlaih an timh hna ah an nunnak liam tiah theih asi.

Sagaing ramthen Kawlinn pengkomh Kawlin khuapi Mintekyi sang ah Motorcycle aa cit mi nu pahnih hna cu ralhrang nih an kah hna i tlaih an timh hna lio ah an nunnak a liam tiah theih a si.

January 7 zingka suimilam 9am tluk ah Cycle a rak citmi nu pahnih hna cu check an timh hna lio ah an zaam. Cuticun ralhrang nih an kah hna i an dawi hna lio ah accident maw meithal in kahnak in maw nu pahnih cu lam thlang ah an nunnak a liam tiah theih a si.

“Check an timh hna i nu pahnih cu cycle in an zaam. An dawi hna i an kah hna tlawmpal ah puah thawng a thang. Caan tlawmpal ah nu pahnih cu an nunnak a liam tiah theih a si. Cheukhat nih an chim ningah cycle toolbox chung i an rak phorh mi bomb a puak. An kah thah mi hna maw bomb puahnak in maw an thih timi fiang in theih a si lo” tiah khuami pakhat nih a chim.

A thimi nu pahnih hna hi kum 50 pakhat le kum 20 cung an si. Nain zeibantuk minung dah an si timi cu fiang in theih a si rih lo. Telegram channel hna ahcun Bomb hmanh ding an kalnak lampi ah Ralhrang nih an check hna i an zaam nak ah bomb a puak i an nunnak a liam tiah an tial.Source- Mallatathan