EK-CEH LAKIN TA’N HNU’AH AN TEI TOK.
(US House Speaker Thimnak an buaining kong

EK-CEH LAKIN TA’N HNU’AH AN TEI TOK.
(US House Speaker Thimnak an buaining kong)

US tuanbia i Civil War a chuah hnu Kum-160 ah House of Representatives Speaker thimnak cu Ni-4 chungah House Meeting Thimfung (Vote) thlaknak Vawi-15 nak an tuah hnu lawng lawng ah Republican Party pawl nih Majority Vote-218 bak bak hmuhin “Ekceh dengin” an i si dih hnu’ ah teinak an hmu kho to’k to’k.

US President le Vice President changtu No.3 nak Rank House Speaker hi Mrs. Nancy Pelosi nih Kum-20 deng a hruai lio’ah Donald Trump zong ceilakin a rak phomh len cang.Cuca’ah, hi rian hi Democrat le Republican lei zongnih an Kutchungah tlaih hrim hrim an i timhmi cu asi. Tutan Mid-term Thimnak ah khan Republican Pawlnih 223 in teinak an rak hmuh na’in Nancy Pelosi cu zirtian ngai’in a rak i phuah chung diam ca’ah MP cheukhat cu “Bia-tiamkamnak” an lak manh lo ca’ah House ah Vote an thla kho hna lo pinah President Biden le Obama te nih Minak Rep-MP pawl heh ti’ah an lemsuai hna i, Florida in Republican Minak MP hruaitu Byron Donalds nih Speaker sinak a rak i cuh ve ca’ah Minak MP-6 nih McCarthy cu Vote an pe duh ti bak lo i, Speaker tlinnak Majority Vote-218 tling dingah McCarthy-212, Hakeen Jeffries(D)-213 ti’ah Vawi-14 tiang House Meeting an(adjourn) thialchungnak an tuah.

Florida Republican hruaitu le Chairman of the Chamber’s Freedom Caucus Matt Gaetz ( hi Pa nih Donald Trump Speaker cuh ve seh)ati tu cu Trump le McCarthy nih House Phunglam remh tha’nnak kan in tuah piak hna lai ti’ah an nawl hnu’in, Zarhte Ni zanlei ah a vawi-14 nak House Vote cu an thlak tha’n i, McCarthy cu Vote-1 te tling lo’in Vote-217 a hmuh tha’n hoi. Cu le cang ka in McCarthy nih adjournment a hal colh than i, i sik hram an thawk cawlh..Matt Gaetz lei’ah Lauren Boebert, Andy Biggs an tang i,McCarthy lei’in Mike Rogers(Alabama)le Richard Hudson an tang ve..heh ti’ah Nu-sual bang an i el/ ra’k/sawhchih len ko hna.(India Parliament chungah an i vuak lio hna a lo deng .

Adonghnak bik Zaantim hnu Zinglei (1:01 Am) ceo’ah a Vawi-15 nak House Speaker Vote thlak nak cu an vun tuah tha’n hnu’ah Republican MP McCarthy cu Vawi-55 nak Speaker of US House ah Vote-218 in a tling hnu’ah MP thar Pakhat biatiam kamnak a tuah hnu’ah Vote-1 a pek ca’ ah Vote-219 in thim asi. Cun, Democrats hraui tu Hakeem Jeffries cu House Minority Leader asi cawlh. Amah belte McCarthy a tiam ning te bantukin House rules thar remhthan asi lo’ah cun, zeitik poh ah Republican MP cheu -khat nih kan in thlak tha’n lai ti’ah bia-hrenhnak an khaih piak cia. Cuca’ah McCarthy ca’ah cun, Speaker asi chungah hin rian fakpi in a tuan kho te hnga maw.. Biden fapa Hunter Biden’s i Eihmuarnak pawl hi ka chui dih lai a timi pawl hi a tlamtling te hnga maw?ti hi ruahphu ngai asi.
Atu bantukin US history ah Kum-1923 ah khan a rak um bel cangi, Massachusetts Republican in Frederick Gillett zong Round-9 tiang bak an rak Vote ve cang. McCarthy hi Kum-57 lawng asi rih i, California State in Congressman mi cal lang hrokual tak takmi asi i, mahbelte micheu -khat nih cun, Donald Trump bantukin Dictator -ship lungput nei mi asi an ti ve hoi..Credit-MC Bik Lian