SAC ralhrang Uktu Min Aung Hlaing Inn le A changtu Pa Soe Win Inn umnak hmunhma cu cu mipi hmuhnak social media chung ah an hung phozarh cang caah khulrang taktak in inn i thial dingah timhtuahnak an ngei cuahmah cang tiah theih a si.
An inn hmun cu khuaruahhar bak in a kau ko. A hngaktu pawl zong tamtuk an chiah hna. A hngaktu pawl hna hi ralhrang chung in thim mi pawl an si hna. Special polik le Commando pawl ttin a changchang in an hngak. SAac ralhrang Min Aung Hlaing nih hin American nih fimthiamnak in kan bawmh hna lai a timi hi a thinphan dawh a si cang. A tu ah a inn a umnak hmunhma pawl fiangte in langhter a si hnu ah ka him ti lo timi fiang tein aa theih cang caah khulrang in i thial a timh hi a si tiah Ralhrang pakhat nih a chim.
Nitlak lei ram pawl nih an ka dirpi lo zong ah a poi lo. Ka innpa ram pawl nih an ka dirpi poah ahcun a za ko tiah a titu Ralhrang hruaitu Min Aung Hlaing cu UN security council ah a innpa ram a simi a dirpi tu hmanh nih an hun dirkamh lo hnu ah a thinphan dawh a si cang.
Tutan ah a thial timhnak hmunhma zong hi a him ko lai timi chim awk a that ti lo caah Min Aung Hlaing caah cun zaan i hngilh khawh dawh a si ti lo. A ralkap lila chung in lengah a biathup le a tuahsernak thil thup an phuan piak lengmang caah tutan hi zeidah a lawh te hnga vun cuan rih ko hna uh sih.
