Ralhraang vanlawng pathum nih Camp Victoria a kah than
CNF/CNA hmunpi a si mi Camp Victoria cu Council ralhraang raltuknak vanlawng pathum nih nihin January 11, zaanlei suimilaam 4:30 hrawng ah bomb an thlak than.
YAK-130 a si rua tiah ruah mi raltuknak vanlawng pathum nih bomb voi hnih an thlak i rammi ralkap lei in a nunnak a liam mi le hmapu an um lo tiah 5:56 tiang ah thawng kan theih ning a si nain kan fehter kho rih lo.
Atu tan hi, Ralhraang Council SAC nih vanlawng hmang in Victoria Camp a voi hnihnak a kah a si i, Nizan January 10 zong ah vanlawng panga hmang in Ralhraang nih Camp Victoria cu an kah caah CNA ralkap nu pahnih le pa pathum nih ram le miphun caah an nunnak an pek.
Nizan ah Council ralhraang vanlawng nih a thlak mi bomb pakhat zong India ram chung ah a tla ti a si ko nain India Cozah cu atu tiang a hmur aa ciip peng rih.
Hnubik Update
Bawipa kan i lawm kan ralkap hna sinah na zaangfahnak le dawtnak kan hmuhmi cungah kan in thangtthat..Credit-Salai William Hlawnceu
