Letandaung Taung ah khhuami pakhat ralhrang nih meithal in an kah that. Sagaing ramthen Sarlinkyi peng Letpandaung taung ah January 13 ah khuami pakhat cu ralhrang nih meithal in an kah thah i a dang pakhat cu an tlaih tiah theih a si.
China Wanpaung Company humhimnak tuanvo a lakpiaktu hna ralhrang pawl nih nizan January 13 ah rallam an sial i khuami inn mei in an duah hna hnu ah pakhat cu an kah thah i a dang pakhat an tlaih.
A tulio ah SAC ralhrang pawl nih khuakhat hnu khuakhat an luhhnawh hna i mei in an khangh thluahmah hna. Nizan ah khan Phaungkata khuami pakhat meithal in an kah thah tiah tualchung nu pakhat nih a chim.
January 14 zingka ah Ngawngpin khua in Thantaw khualei ah meithal an kah i khuami pawl an luhhnawh hna. Cuka hrawng khua ah ralhrang nih khuami pawl an luhhnawh lengmang hna i mei in khua an khangh lengmang caah khuami a tlawmbik 30000 leng cu an zaam cang hna tiah theih a si.
