Lion Battalion Commando nih Ralhrang Uico Ceilak An Thah Ko Hna Hih

Phazatungsu khuapi lei ah ralbawm a kalmi hna cu mipi ralkap nih an kah than hna caah ralhranv uico an cei taktak tiah theih a si.

A tutiang theih khawh tawk ahcun ralhrang uico lei minung pathum an thi cang i a tlawmbik minung panga nak tam hliam an tuar lai tiah thei a si. Mipi ralkap hruaitu Boel Sewa nih hruaimi Lion Battalion Commando nih naihniam taktak in an phomh hna.

Yungdo-Ngaungyeihthar hmun ah a lutmi ralhrang tatmah44 kuttang cu mipi ralkap phu fonh nih an kah hnanak ahcun a tutiang hi minung pathum an thah khawh cang hna. Cun faktaktak in hliamtuar minung panga nak tam an um cang tiah Lion Battalion Commando nih theihternak an tuah.

I kahnak ah seh meithal MA2 pakhat an lakpiak hna i ralhrang lei nih hriamnam an kah chih hna nain mipi ralkap nih pehzulh in an kah chih ko hna tiah theih a si. Nizan January 23 zan ah khan Hazatungsu khuapi SAC ralhrang nih hmunhma an laknak Zung cheukhat hna cu mipi ralkap nih mei in an duah piak hna tiah theih a si. Credit- Lion Battalion Commando