Ralhrang Uico Pawl Vava An Tum Ko Cang

Hpakant Peng SAC Ralkap Sakhan Cu KIA, PDF Nih An Lak, Sakhan Zong Mei In An Khangh

Kachin ramkulh, Hpakant peng Hmawsiza Tower tung pawng ah umhmun a khuarmi SAC ralkap an sakhan cu January 25 zaan ah KIA, le PDF nih an va kah caah SAC ralkap a thimi an tam i thi le hnai he an zam dih, tiah KIA he naihniam in a ummi nih an chim.

January 25 zaan sml 8:45 hrawngah Hmawsiza Tower tung ah umhmun a khuarmi SAC ralkap Tatma 33 kuttang pawl cu, KIA le PDF nih an kah hna caah tam tuk an thi i an sakhan zong an tliktak caah KIA le PDF nih an sakhan vialte cu an khangh dih, tiah theih a si.

Cu kahdohnak ah KIA Brigade 9, No.6 Battalion le PDF hna i bawm in an kah i Hpakant khua Tatmakone ummi SAC ralkap nih, an sakhan pawngkam cu hriamngan le hriamhme in duh paoh in an kah, tiah theih a si.

“SAC ralkap pawl a thimi le aa hliammi zat cu fiang in kan thei kho rih lo. A nungmi zong an dihlak in an zam dih,” tiah KIA nih an langhter. Credit-Thechinpost