Tu January thla dih cun mipi ralkap pawl nih khuapi chung ah ral thawh cawlcanghnak an tuah timh cang timi thawngpang a len ruangah ah Ba-Anh khuapi chung luhnak khualeng check gate cu humhimnak fak deuh an lak tiah theih a si.
KNU kuttang KNLA le tangti mipi ralkap phu fonh hna nih khuapi cheukhat chungah luh in ralhrang pawl umhmun khuarnak zung an lak i mei in an duah cuahmah cang caah Ba-anh khuapi chung luhnak Cgeck gate pawl cu fakngai in checkhlatnak an tuah cang hna.
KNLA le tangti mipo ralkap pawl nih hin Ba-Anh khuaipi chung tiang ralhrang pawl nam ding in an timh hna timi thawngpang a chuak caah uico pawl nih khuapi chung luhnak checkgate ah felfai deuh in an check hna tiah theih a si.
Culawng si lo in Ba-anh khuapi chung i minung an tam deuhnak hmunhma pawl zong ah CCTV in ngiathlainak an tuah dih ti a si. Cycle le motor pawl checkhlatnak an tuah ah hin a bik in mino deuh pawl an focus hna tiah theih a si.
A liamcia December 16 ah khan Kawkareit khuapi TadaOo khuate he aa naihnak hmun ralhrang khahlahyah 231 tatyin cu mipi ralkap KNLA le tangti phu fonh hna nih an luhhnawh hna iKawkareih, Kyarinseihkyi,Phayatungsoe khuapi hna i ralhrang pawl hmynhma an laknak le an zung pawl mei in an rak khangh piak dih hna. Source-BHRN
Leave a Reply