KUTBENG HNA USIH, THAWNGPANG TTHATUK A CHUAK CANG HIH

SAC Ralhrang Bawi Ngan Pakhat a Kuttang Ralhrang Pa nih Thi Lak in a Kah. Pyin Oo Lwin ah a ummi SAC ralhrang sianginn (Tatmadaw Communications and Electronic School) ah Sayakyi changtu rian a ttuanmi Lieutenant Colonal Kyaw Soe Aung cu a kuttang ralhrang pa nih meithal in a kah caah a nunnak a liam, tiah Khit Thit Media nih a ttial.

Nizaan January 29 zaanlei ah khan sianginn chung ah Lt. Colonel Kyaw Soe Aung nih a kuttang ralbawi pawl cu runvennak kong he pehtlai in bia a ruah hna. Biaruahnak a dih lecangka in a kuttang ralhrang pakhat (Tat-Kyat rank) nih Kyaw Soe Aung cu hmuahchih in voi 2 a kah.

Kyaw Soe Aung cu sizung ah an phakpi ko nain a thin ah meithal kuan nih a khen caah a nunnak a liam. Meithal in a kaptu SAC ralhrang Tat-Kyat pa zong an tlaih ve. SAC ralhrang bawi dangdang an thih tawn ah Myanmar Alin le Kye Mon tibantuk thawngzamhnak ah zualko thawngpang an thanhpiak lengmang hna nain Lt. Colonel Kyaw Soe Aung a thihnak kong belte cu SAC ralhrang nih an thanhpiak hna lo, an thuhnawh, tiah SAC ralhrang chunglei thawngpetu pawl nih an chim.

Atu bantuk in SAC ralhrang sianginn ah ralbawi ngan kahthah timi hi ahlan ah a rak um ballo. Thawngpang a chuah ahcun SAC ralhrang chunglei buaibainak a um lai timi an phan ruang ah thawngpang an thuhnawh hramhrammi a si kho, tiah Khit Thit Media nih a langhter. Credit: chinjournal

Thawngpang dang. Ralhrang nih PDF bawmtu nan si tiah khuami pali an tlaih tthan hna. Magway ramthen, Zitaw khua pawngah a ummi ralhrang kawlralkap check gate ah khualtlawng sawhsawh mi minung pali hna cu an tlaih hna tiah theih a si. An tlaih mi chungah minung pathum hi Nu an si i, pakhat Pa a si.

An tlaihmi hna hi January ni 28 chun ah Mandalay in Pagoku lei an kalnak ah an tlaih mi hna an si. Cun an tlaihmi hna hi a hodah an si timi zong fiang in theih a si rih lo nain Yazacho khuami cu an si lo tiah an langhter. Mah an tlaihnak hmun ah hin ralhrang hna nih mipi tangka an hal tawnnak hmun a si. An tlaihmi hna hi upa lei an si hna i, Mandalay ummi an si lai tiah zumh a si.