Leik Tho Ah Kahdohnak A Chuak I SAC Ralkap 15 An Thi,Pulaw Ah SAC Rallamsial Ralkap Cu Bomb An Puah Hna I SAC Ralkap Ceilak an thi rih

Leik Tho Ah Kahdohnak A Chuak I SAC Ralkap 15 An Thi,Pulaw Ah SAC Rallamsial Ralkap Cu Bomb An Puah Hna I SAC Ralkap 4 An Thi

Kayin ramkulh,Thandaung chaklei kap (Special Region)Leik Tho peng ah kahdohnak a chuak i SAC ralkap 15 an thi tiah Northern Thandaung Defence Force (Special Region) phu sinin theih a si.

January 25 ah Thandaung chaklei kap (Special Region)Leik Tho peng,Mieigyi khuathar ah SAC ralkap thazaang 100 leng rallamsial ding in a ra mi Yeni battalion-5 le Nay Pyi Taw tantiphu phu cu Northern Thandaung Defence Force (Special Region) phu nih an doh hna caah SAC ralkap 5 an thi i SAC ralkap cu Mieigyi khuathar lei ah an kiar tiah theih a si.

Cu a kiar mi SAC ralkap cu January 26 chun ah Leik Tho peng,Seikhpukone khua pawng ah an doh than hna i SAC ralkap 4 an thi chap.Cu SAC ralkap pawl cu rak bawmh ding ah a rak mi ralkap pawl zong Nay Pyi Taw council le Kayin peng ramri a si mi သစ်ကြိမ်း khua pawng ah bomb an puah hna i SAC ralkap 6 an thi tiah theih a si.

Cu kahdohnak chung ah SAC ralkap 15 an thi i Northern Thandaung Defence Force (Special Region ) phu i ralkap 1 cu meithel nih a khen nain a nunnak caah thin phan ding a um lo tiah Northern Thandaung Defence Force (Special Region ) nih cathanh an chuah.

Cun Tanintharyi ramthen,Pulaw peng ah SAC rallamsial ralkap cu mipi vengtu phu nih bomb an puah hna i SAC ralkap 4 an thi tiah Palaw -KPDF phu sinin theih a si.

January 23 ah Pulaw peng,Tapu khua lei kap ah rallamsial ding in a ra mi SAC ralkap thazaang 80 hrawng cu mipi vengtu phu nih bomb an puah hna i SAC ralkap 4 an thi tiah theih a si.

Cu kahdohnak cu Palaw -KPDF phu le a dang tantiphu nih bomb an puah mi hna a si.SAC ralkap 4 an thi i 6 hliam an hmu i Pala peng lei ah an kiar.Mipi vengtu phu nih SAC ralkap thil a cheu khat an lak khawh tiah Palaw -KPDF nih cathanh an chuah.(Crd.Khit Thit Media)