Mipi Ralkap Nih SAC Ralhrang Drone In An Bom An Thlak

Lashio Ah TNLA Le SAC Ralkap Kar Kahdohnak A Chuak,Madaya SAC Ralkap Gate Cu Drone In Bomb An Thlak I SAC Ralkap 2 An Thi.

Shan ramthen,Lashio peng,Mankawng khua pawng ah SAC ralkap nih TNLA sakhaan cu hriamngan in an kah hna ruang ah kahdohnak hi a chuak tiah TNLA phu i info sinin theih a si.

January 29 chun sml 1:30 ah SAC ralkap battalion-504 phu i ralkap pawl cu Ta Aung peng, Brigade-6 hmun, Mankawng khua ah luh in TNLA battalion-595 sakhaan cu hriamngan an kah ruang ah kahdohnak hi a chuak tiah theih a si.

SAC rallamsial ralkap thazaang 60 hrawng in an rak lut i zaanlei sml 3:50 ah thok in kahdohnak fak a chuak i zaanlei sml 5:40 ah kahdohnak hi a dai tiah theih a si.

Cun Mandalay ramthen,Madaya peng ah SAC ralkap gate cu drone in bomb an thlak hna i SAC ralkap 2 an thi tiah Madaya-PDF phu sinin theih a si.

January 28 chun sml 11 hrawng ah Madaya peng, Kyauk Tatar khua ah a um mi SAC ralkap sakhaan cu Madaya-PDF nih bomb an thlak hna i SAC ralkap 2 an thi i 2 hliam fak an hmu tiah theih a si.(Crd.n DN)