POITUK E, RALHRANG NIH KHUAMI MINUNG PALI AN TLAIH TTHAN HNA

Ralhrang nih PDF bawmtu nan si tiah khuami pali an tlaih tthan hna. Magway ramthen, Zitaw khua pawngah a ummi ralhrang kawlralkap check gate ah khualtlawng sawhsawh mi minung pali hna cu an tlaih hna tiah theih a si. An tlaih mi chungah minung pathum hi Nu an si i, pakhat Pa a si.

An tlaihmi hna hi January ni 28 chun ah Mandalay in Pagoku lei an kalnak ah an tlaih mi hna an si. Cun an tlaihmi hna hi a hodah an si timi zong fiang in theih a si rih lo nain Yazacho khuami cu an si lo tiah an langhter. Mah an tlaihnak hmun ah hin ralhrang hna nih mipi tangka an hal tawnnak hmun a si. An tlaihmi hna hi upa lei an si hna i, Mandalay ummi an si lai tiah zumh a si.

Thawngpang dang. CNA Le CDF Thantlang nih ralhrang helicopter pakhat drone in khu luaimai in an kah. January ni 29 zanlei suimilam pathum ah Thantlang ah a rak zuangmi ralhrang helicopter pakhat cu CDF Thantlang le CNA nih an kah tiah theih a si. Cu an kahmi helicopter cu a khu pi he Hakha lei panh in rianrang taktak in a kal colh.

Ralhrang helicopter pahnih cu zanlei ah Thantlang lei panh in an zuang. Helicopter pahnih chungah helicopter pakhat cu mipi ralkap hna nih drone in an kah hi a si. An kah mi helicopter cu Hakha rungtlang ralhrang sakhan sakhan an remh ti zong theih a si. Cun nizan thiamthiam Hakha Timi pawngah a ummi ralkap hna cu helicopter in an kah rih.

Hi kongah CDF Hakha nih thanhnak an tuahmi cu Kahdohnak Thawng. Nihin 29 Tangkhawng(January) 2023 ah Chinland Defense Force-Hakha le SAC ralhrang kahdohnak a um. Hi kahdohnak cu zinglei sang suimilam 8:00Am hrawng ah cawbuk gate a hngak mi SAC uico ralhrang pawl cu Hakha-CDF nih kan va fuh hna i kan kah hna caah uico ralhrang pakhat a thi i,

A dang zong hliamtuar an um leng rih. Kalaymyo lei in Mi-35 raltuknak helicopter nih a rak bawmh hna i Timit lei um mi a kan kah nain Pathian thawng in kan mah lei kan him dih. tiah CDF Hakha nih mipi sin ah thanhnak an tuah.