A ropui ko- Uivo ralhrang 13 An Kah Thah hna Lio Video A Chuak

Shwebo Peng Kahdohnak Ah SAC Ralkap 13 An Thi. Sagaing ramthen, Shwebo peng ah SAC ralkap le tualchung hriamtlai phu kar kahdohnak ah SAC ralkap 13 an thi tiah Bu Kya Yine-Shwebo( LPDF ) in tuanvo ngeitu pakhat nih a chim.January 30, zinglei suimilam 7:22 ah rallam sialtu SAC ralkap le pyusawhti phu hna cu Minbae khua le

Joemayzin khua kar ah tualchung hriamtlai phu nih bawh in an kahdoh hna, kaphnih kar i kahdohnak ah SAC ralkap 13 ah thi. A thimi chung ah pyusawhti hruaitu Khine Zaw Oo, Myo Min Tu le Htat Aung zong an i tel tiah theih a si.Rallam sialtu SAC ralkap le pyusawhti phu hna cu Bu Kya Yine-Shwebo( LPDF ) le ṭangṭi

SAF – Mandalay pengkomh battalion 4, C&T SHWEBO LPDF, Bu Japan Kyi -SHWEBO LPD, Taungtu Kyi pahkahphah, BO BA TAW LPDF, SNAKE EYES LPDF, Alpha-7 LPDF, Ma Tathaung-Depeyin, Taitnay -2 dohthlengtu phufonh nih an kahdoh hna tiah theih asi. Video zoh a duhmi nih hika hi voikhat hmat law na zoh khawh lai

Thawngpang dang relchap. Ni Khat Chung Kahdohnak Ah SAC Ralkap 40 Leng An Thi. January 30, ni khat chung a cangmi kahdohnak ah SAC ralkap chungtel 40 leng an thi tiah NUG nih thawng thanhnak a tuah.Tutan ah SAC ralkap a thi tiah cazin langhtermi nak in a tak ah SAC ralkap lei a thi mi an tam deuh kho,

Cun ni khat chung ah minung 18 nih hliamhma an tuar tiah an langhter. Fak ngai in kahdoh a chuahnak hmun Sagaing ramthen, Kawlin peng ah cun SAC ralkap hna cu PDF nih bawh in an kahdoh hna. Khin Uu peng ah cun SAC ralkap hna cu PDF nih bomb puahhnawh im an doh hna tiah theih a si.

SAC ralkap le tualchung hriamtlai phu kar kahdohnak a chuah kum khat chung ah SAC ralkap lei 20,150 an thi i 7,000 leng nih hliamhma an tuar. SAC ralkap nih ramchung a hiapkhawhnak hmunhma hi zatceo hmanh a si ti lo tiah NUG caan karlak president Duwa Lashi La nih a chim.

SAC ralkap le tualchung hriamtlai phufonh kar kum khat chung kahdohnak ah tualchung hriamtlai phu lei in 1500 renglo nih ram le miphun caah an nunnak an pek tiah a chim chap.
Ramchung huap in kaphnih kar kahdohnak ah SAC ralkap lei a thi mi hna kong he pehtlai in SAC nih thawng thanhnak a tuahmi a um lo. Credit: The Chin Post.