Nikhat te lawngah Ralhrang uico mah zatpi hi an thi

Ni Khat Chung Kahdohnak Ah SAC Ralkap 40 Leng An Thi. January 30, ni khat chung a cangmi kahdohnak ah SAC ralkap chungtel 40 leng an thi tiah NUG nih thawng thanhnak a tuah.Tutan ah SAC ralkap a thi tiah cazin langhtermi nak in a tak ah SAC ralkap lei a thi mi an tam deuh kho,

Cun ni khat chung ah minung 18 nih hliamhma an tuar tiah an langhter. Fak ngai in kahdoh a chuahnak hmun Sagaing ramthen, Kawlin peng ah cun SAC ralkap hna cu PDF nih bawh in an kahdoh hna. Khin Uu peng ah cun SAC ralkap hna cu PDF nih bomb puahhnawh im an doh hna tiah theih a si.

SAC ralkap le tualchung hriamtlai phu kar kahdohnak a chuah kum khat chung ah SAC ralkap lei 20,150 an thi i 7,000 leng nih hliamhma an tuar. SAC ralkap nih ramchung a hiapkhawhnak hmunhma hi zatceo hmanh a si ti lo tiah NUG caan karlak president Duwa Lashi La nih a chim.

SAC ralkap le tualchung hriamtlai phufonh kar kum khat chung kahdohnak ah tualchung hriamtlai phu lei in 1500 renglo nih ram le miphun caah an nunnak an pek tiah a chim chap.
Ramchung huap in kaphnih kar kahdohnak ah SAC ralkap lei a thi mi hna kong he pehtlai in SAC nih thawng thanhnak a tuahmi a um lo. Credit: The Chin Post.

Thawngpang dang. Falam ah CDM a tuah lomi hna lahkhah vialte an lak piak dih hna. Chin ramkulh Falam khuapi ah ralhrang kawlralkap kuttang ah fimcawnnak lei in rian a ttuanmi CDM a tuah lomi hna lahkhah pek dingmi tangka ting 800 cu hriamtlai minung pathum nih an lakpiak hna tiah khuami nih an chim.

Lahkhah chuah a si hlan ah meeting an tuah i cu kar ahcun hriamtlai minung pathuum nih an luh hnawh hna i tangka ting 800 an lakpiak hna hnu ah an chuahtak. Mah ruangah ralhrang kawlralkap hna cu an thinhung tuk i, rianttuantu vialte hna cu lengah chuahter loin biahalnak an tuah hna tiah khuami nih an chim chap.