Pu Henry Van Thio Sizung ah a Phan, NDSC Tonpumhnak ah Tel Khawh Lo Dawh

Pu Henry Van Thio Sizung ah a Phan, NDSC Tonpumhnak ah Tel Khawh Lo Dawh

Vice President Pu Henry Van Thio cu damlonak ruang ah Naypyidaw ihkhun-1000 sizung ah aa thlopbul caah SAC ralhrang nih tuah an timhmi “National Defence and Security Council” (NDSC) tonpumhnak ah kai khawh lo dawh a si, tiah Mizzima nih a ttial.

Pu Henry Van Thio cu Naypyidaw an inn ah a tlu i a lu a kuai pin ah a hngawng zong aa cangh sual caah nihin zinglei sml. 11:00 ah khan sizung ah an phakpi, tiah Mizzima nih a langhter.

NDSC ah chungtel minung 11 an i tel i, Pu Henry Van Thio hi a kai khawh lo a si ahcun SAC ralhrang nih tuah an timhmi NDCS tonpumhnak hi dotla/official a si lai lo tiah a ruattu zong an um.

2008 phunghrampi ning in cun SAC nih uknak an laknak kum 2 a tlin ni, thaizing February 1 ah hin State Administration Council (SAC/နစက) hi NDSC tonpumhnak ah hrawh ding a si.

Hmanthlak: Pu Henry Van Thio. SAC nih uknak an chuh hnu in Pu Henry Van Thio hi Vice President sinak in SAC nih an dinhter lo.Credit-chinjournal