PUAI A KALMI NU PAHNIH AN KAH HNA, PAKHAT A THI

Ṭhitumpuai Ah A Kal Mi Nu 2 An Kirlei Ah Kah An Tong, Pakhat Nunnak Liam.Mandalay ramthen, Patheinkyi peng Nandataung khua le Mandalay-Madaya lampi ah ṭhitumpuai zawh mi nu 2 cu an kirlei ah kah an ton caah minung pakhat nunnak liam tiah theih a si.

January 31, zinglei suimilam 11:00 hrawng ah Nandataung khua ah ṭhitumpuai zawh ding in cycle he a kalmi mi nu 2 cu an kir lei ah cycle aa phirhmi mino pa 2 nih cycle in an dawi hna hnu ah meithal in an kah hna tiah mi bawmchantu phu in tuanvo ngeitu pakhat nih a chim.

Meithal akah a tong mi nu 2 hna cu Kyawy Yekone khua mi Ma Myo Ma Htay(kum 19) le Ma Phyu Zin Tan(kum 21) an si. Ma Phyu Zin Tan cu a Hnakhaw kam ah kuan a luh caah kah a tonnak hmun ah a nunnak a liam tiah a chim.

Nu pahnih kah an tonnak kong ah mi zei phu nih an kah hna le zeiruang ah kah an ton theih a si rih lo. Ma Phyu Zin Tan ruak cu mi bawmchantu phu nih Mandalay sizung ah an kuat tiah theih a si.Credit:

Thawngpang dang.Kachin ram kum 2 chung ah KIA le SAC ralkap karlak ah kahdohnak voi 1,125 a chuak. Hramhram in uknak lak a si hnu kum 2 caan chung ah SAC ralkap le KIA karlak ah kahdohnak voi 1,125 a chuak tiah KIO Colonel Naw Bu nih RFA ah a chim.2021 chung ah kahdohnak voi 612 le 2022 chung ah voi 504 a chuak i kaphnih karlak kahdohnak chung ah a thi mi cazin bel a langhter lo.

Hramhram in uknak lak a si hnu ah KIO nih SAC he pehtlaihnak a ngeih lo bantuk in daihnak kong he pehtlai in biaruah ding sawm kan si ko nain a dik mi daihnak a chuah lai lo caah kan cohlang lo tiah a chim fawn. Kachin ram ah ALAW Bum sakhaan KIA nih an lak ṭhan lio kahdohnak hi a fak bik a rak si tiah KIA thawngzamh nih a langhter.