RIP.RUAH LOPI IN PU SIANG CUNG BIK NIH MUAL AA KAN LIAM TAK

Ngaihchiatnak thawng. Thantlang ah kan i bochan taktak mi kan pa Pu Siang Cung Bik nih mual aa kan liamtak. Hi konghe pehtlaiin Pu Ram Khar nih a thihnak kong a langhter mi cu, Thih Dar.Thantlang Khua Sianginn Sang ummi, Khua mi nih kan Bochan mi Kanpa ,Khua Upa ,Pu Siang Cung Bik -53(Peter Pa ) cu

Ralzam in an I dornak Tlangpi khua ah ruah lo pi in a thi Kai caah Aizawl Sizung a phan Aizawl Sizung ah Zarhkhat chung leng ai thlop hnu ah Aizawl Sizung ah 31.1.2023 Zingka ah a kan thih tak.Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak in hnem ko hna se.

Cabia dang. ‘Accident’ in nupi na thit ve nak hnga lo.‘Nau pawi sual’ ruang ah i timh lo buin nupi thit a hun tam ngai. Zungzal umti ding an lungtlin cikcek hnu ah thitumnak an tuahmi a si lo, ‘lakfa a hrin’ tiin thangchiat ton ding an tih ruang deuh ah thitumnak an tuahmi a si.Hibantuk nuva tampi cu kum khat an umti hlan ah an i then than hna, an hrinmi ngakchia an vaivuan, zaangfak tuk an si.

Laimi kan i cawn piak ning hrim hi chan tiluan kan dawi kho lo, outdate tuk cangmi chan hlun ruahnak in mino kan cawn piak peng hna. ‘Thitum hlan ah ihkhun dawtnak na ser bak lai lo, sualnak tihnung a si’ kan ti hna. Dawtnak na ser sual ahcun nau na pawi lo nak hnga le zawtnak na ngah lo nak hnga hiti hin i ven khawh a si timi belte kan cawnpiak bal hna lo. Hihi a poi cemmi cu a si.

Kum 15 an tlin hnu cun biology a kal ning in minung a simi poah taksa duhnak an hun ngei ve. Internet chan asi fawn i video phun kip an zoh kho cang fawn. Duhmi dl hna an ngeih i anmah lawng an i ton caan ah cun an i sum kho taktak cio ve lo. Nain, a him deuhmi dawtnak ser ning ‘safe way’ theih loin dawtnak an ser tawn ruang ah a herh lomi nau pawi sual a chuah tawn hi a si.

Thitum hlan ihkhun dawtnak ser rih lo ding chimhrinh cu a tha tuk, nain kan fale hi mitthep loin zul dawi khawh zungzal an si lo. Thazaang pek awk zong asi ve lo nain an ser sual ahcun hiti hin i ven khawh a si timi cu kum 13 hrawng an si hnu in cawnpiak ah cun tulio kan hmuh pah lengmangmi ‘nau pawi sual’ piattana hi kan hrial khawh deuh ko lai ka zumh. Credit: Salai Lungthlitum.