SALAI LUNGTHLITUM: ACCIDENT IN NUPI NA THIT VE NAK HNGA LO

‘Accident’ in nupi na thit ve nak hnga lo.‘Nau pawi sual’ ruang ah i timh lo buin nupi thit a hun tam ngai. Zungzal umti ding an lungtlin cikcek hnu ah thitumnak an tuahmi a si lo, ‘lakfa a hrin’ tiin thangchiat ton ding an tih ruang deuh ah thitumnak an tuahmi a si.Hibantuk nuva tampi cu kum khat an umti hlan ah an i then than hna, an hrinmi ngakchia an vaivuan, zaangfak tuk an si.

Laimi kan i cawn piak ning hrim hi chan tiluan kan dawi kho lo, outdate tuk cangmi chan hlun ruahnak in mino kan cawn piak peng hna. ‘Thitum hlan ah ihkhun dawtnak na ser bak lai lo, sualnak tihnung a si’ kan ti hna. Dawtnak na ser sual ahcun nau na pawi lo nak hnga le zawtnak na ngah lo nak hnga hiti hin i ven khawh a si timi belte kan cawnpiak bal hna lo. Hihi a poi cemmi cu a si.

Kum 15 an tlin hnu cun biology a kal ning in minung a simi poah taksa duhnak an hun ngei ve. Internet chan asi fawn i video phun kip an zoh kho cang fawn. Duhmi dl hna an ngeih i anmah lawng an i ton caan ah cun an i sum kho taktak cio ve lo. Nain, a him deuhmi dawtnak ser ning ‘safe way’ theih loin dawtnak an ser tawn ruang ah a herh lomi nau pawi sual a chuah tawn hi a si.

Thitum hlan ihkhun dawtnak ser rih lo ding chimhrinh cu a tha tuk, nain kan fale hi mitthep loin zul dawi khawh zungzal an si lo. Thazaang pek awk zong asi ve lo nain an ser sual ahcun hiti hin i ven khawh a si timi cu kum 13 hrawng an si hnu in cawnpiak ah cun tulio kan hmuh pah lengmangmi ‘nau pawi sual’ piattana hi kan hrial khawh deuh ko lai ka zumh. Credit: Salai Lungthlitum.

Thawngpang dang.Meters 1,500 leng tiang a kap kho mi hriamngan tlamtling tein kan ser khawh tiah Eagle PDF nih a thanh. NUG nih nawlpeknak in Eagle PDF nih bomrap ngan pipi ser ding kan ngei rih i M-16 peng pawl a phak a si ahcun methal zong ser ding in timhcia kan si tiah Eagle PDF sin in thawng theih a si.

Eagle PDF sin ah Meters 1,100 tiang a kap kho mi 80MM a tawi mi 5 le Meters 1,500 tiang a kap kho mi 80MM a sau mi 3 tiang a um cang nain tangka chanbaunak ruang ah a tlawm te lawng kan chuah khawh tiah an thanh.

Hriamngan chuah tikah hriamngan kuan 1 ah 70,000 leng man zen hman a si tiah theih a si. Tatkon peng ah Eagle PDF nih an chuah mi hriamngan pawl cu DMO Local PDF Battalion G nih an hman cang i Moebye, Thaesulay le Pupha kahdohnak pawl zong ah hriamngan pawl an hman cang tiah theih a si.