Shwebo Peng Kahdohnak Ah SAC Ralkap 13 An Thi. Sagaing ramthen, Shwebo peng ah SAC ralkap le tualchung hriamtlai phu kar kahdohnak ah SAC ralkap 13 an thi tiah Bu Kya Yine-Shwebo( LPDF ) in tuanvo ngeitu pakhat nih a chim.
January 30, zinglei suimilam 7:22 ah rallam sialtu SAC ralkap le pyusawhti phu hna cu Minbae khua le Joemayzin khua kar ah tualchung hriamtlai phu nih bawh in an kahdoh hna, kaphnih kar i kahdohnak ah SAC ralkap 13 ah thi. A thimi chung ah pyusawhti hruaitu Khine Zaw Oo, Myo Min Tu le Htat Aung zong an i tel tiah theih a si.
Rallam sialtu SAC ralkap le pyusawhti phu hna cu Bu Kya Yine-Shwebo( LPDF ) le ṭangṭi SAF – Mandalay pengkomh battalion 4, C&T SHWEBO LPDF, Bu Japan Kyi -SHWEBO LPD, Taungtu Kyi pahkahphah, BO BA TAW LPDF, SNAKE EYES LPDF, Alpha-7 LPDF, Ma Tathaung-Depeyin, Taitnay -2 dohthlengtu phufonh nih an kahdoh hna tiah theih asi.
Madaya Peng Ah SAC Bomb Puah An Tong Ralhrang 5 An Thi. Mandalay ramthen,Madaya peng,Kaukyoepon khua le Myaypon khua kar ah SAC rallamsial ralkap cu bomb an puah hna i ralhrang 5 an thihnak ramlak ruachok phu hruaitu Bo Tii nih a chim.
January 30 zing sml 11 hrawng ah thazaang 120 hrawng a si mi SAC rallamsial ralkap cu Kaukyoepon khua le Myaypon khua kar ah bomb lung 3 in an puah hna i ralhrang 5 an thi.SAC ralkap a cheu cu hliam hma an hmu i bomb puahnak hmun pawng ah umnak ding hmun hma an la tiah theih a si.
“January 29 ah SAC ralkap cu Madaya in Nyaungoke khua tiang mawtaw in an ra i zaan an riak.January 30 zing ah an ke in rallamsial ding ah an chuak i bomb lung 3 in kan puah hna.A thi mi an ruak cu zei ti an tuah hna cu kan thei lo nain bomb kan puahnak hna pawng ah umnak hmun hma an la” tiah ramlak ruachok phu hruaitu Bo Tii nih a chim.
Cu kahdohnak cu ramlak ruachok phu nih an doh mi hna a si i SAC rallamsial ralhrang pawl lam ah an um rih caah mipi pawl lam chawnh i ralrin uh tiah ralrin an pek.LCBN
Leave a Reply