Tuni Falam Khuapi Cung Thil Cangmi Nih SAC Ralhrang Pawl Lungrethei In A Tuah Dih Hna

Falam Peng Fim Cawnnak Zung Riantuantu Hna Thlahlawh Pekding Sing 800mmk Chuh An Tong. Chin ramkulh, Falam peng fim cawnnak zung ah a ho si theihlo mi pa 4 nih Pistol i tlaih in nihin January 31, zinglei suimilam 11:00 hrawng ah Non CDM caah thlahlawh pekding sing 800mmk hrawng cu an chuh hna tiah theih a si.

Pengkulh fim cawnnak zung riantuantu Non-CDM hna cu meeting an tuahlio ah pistol aa tlaih mi pa 4 nih zung chung ah luhhnawh in pengkulh fim cawnnak zung uktu cu khandal chung ah an kalpi hnu ah, Non-CDM caah pek dingmi thlahlawh sing 800mmk hrawng cu buri ah khumh in an i kalpi tiah theih a si.

Cu thil a can hnu tlawmpal ah Falam ah MPT phone line dah ti lo a dang sim cu a pit dih, pengkulh fim cawnnak zung riantuantu hna cu an dihlak in SAC ralkap nih an check hna tiah theih a si. Crd: LCBN