BREAKING NEWS. CNA LE CDF THANTLANG A UMMI AN KAH HNA

Nihin February 1, 2023 ah SAC ralhrang nih Jet Fighter in Bomb a rak thlak, CDF le CNA kan pasaltha hna, Thantlang i a um mi hna target in a rak thlak hi asi. A si nain atu tiang ahcun kan pasaltha hna an him dih tiah kan theih.“Atu nai nawn te ah khan a si. Jet Fighter bak an rak hman cang.

Raldohnak Vanlawng (Jet Fighter) in Bomb a hun thlak, cun Helicopter a rak ra nolh i kahnak a tuah chih, atu zong puahkeh thawng a um rih ko. A si nain kan ralkap lei an him ti in kan theih” tiah pawngkam um mi sin in kan theih.Nizaan ah CNA le CDF nih Thantlang ralkap ceilak an chim hna, cun Meithal le kuan zong tam lak an lak, cu caah a tu bantuk in raldohnak Jet Fighter le Helicopter tiang an rak hman hi a si kho tiah zumh a si.

Kan Chin pasaltha, kan Chin ralkap hna caah fak pi in thlacam hna usih. Nihin cu SAC ralhrang nih rampi uknak hramhram in an kan chuh kum 2 tlinnak a si. Kan tuarnak vialte ruah bu in kan pasaltha le nusaltha hna thlacam bawm hna usih.

Relchap Thawngpang dang. CNDF Ralbawizik Salai Peter Thang cu CNDF in CNO ah aa thial cang. CNDF ralkap lutlai Peter Thang cu nihin February nikhat ah CNDF ralkap lutlai sinak in a chuak i, CNO AGS 3 ah a kai tiah theih a si. Hi konghe pehtlaiin Salai Peter Thang nih tuni thok in CNO AGS 3 dirhmun he mipi caah rian ka ttuan cang lai.

Tuanpi ding zate le mipi nan zaten in bawmbawi dingin nan kutza ka lo kai. Kan neh hlanhlo mah dinhmun ciar in kan do ding. Kan neh tengteng ding, tiah a chim. Hi konghe pehtlaiin CNO tuanvo ngeitu pakhat nih Peter Thang hi mifim cathiam kan rinhchanh taktak mi le politic a theimi a si i ralkap dirhmun ah siloin Politic dirhmun CNO ah kan harh tuk.

Curuangah CNDF in CNO ah a kaimi a si. CNDF lutlai thar zong zohfelnak kan tuah dih hnu ah mipi kan in theihter te hna lai. Kumthar a sibantukin CS dirhmun lawng siloin a dang thlennawn ding zong a um, Kan tthawn chinchin dingah a si tiah a chim chap. CNO cu politic dirhmun in Chin miphun le ram caah zalonnak atuahtu an si i, CNDF hi CNO i a ralkap an si.